ZIARA ya kujifunza itakavyoleta Matokeo chanya Madaba

Posted on: May 7th, 2024

Mkuu wa Wilaya ya Songea Kapenjama Ndile ameambatana na Madiwani Halmashauri ya Wilaya ya Madaba,wataalam,na wenyeviti wa Vijiji wametembelea na kujifunza katika Kiwanda cha Lush chanzo wood kinachotengeneza mbao pana kwakutumia magogo ya miti.

Msimamizi wa Kiwanda hicho Justin Mligo akizungumza katika ziara hiyo amesema magogo hayo yakibadilishwa kuwa mbao pana zinatengenezewa samani kama vile meza,viti,makabati na kadhalika.

Mligo  amesema mbao hizo wanaziuza katika Nchi ya  Mikoa mbalimbali Nchini Tanzania pamoja na  Nchi za Nje.

Mwenyekiti wa Halmashauri ya Madaba Teofanes Mlelwa akitoa shukrani ya kupewa elimu ya kutumia magogo ya miti yanayobaki baada ya kuvuna miti na kubadilisha kuwa mbao pana amesema kuwa wamejifunza vitu vingi katika Kiwanda hicho ikiwa mazao ya miti ya Madaba yanaweza kuzalisha mbao kama hizo na kutengeneza samani mbalimbali.