Wawekezaji wa kampuni ya Xiwang kutoka China kuwekeza Madaba kwa Kilimo cha Mifugo

Posted on: February 17th, 2024

Wawekezaji wa Kampuni ya Xiwang kutoka Nchi ya China wamepewa shamba lenye Hekari 10,000 lililopo Kijiji cha Ngadinda Kata ya Gumbiro Halmashauri ya Wilaya ya Madaba kwaajili uwekezaji wa kilimo cha mifugo.

Akizungumza Mbunge wa Jimbo la Madaba Joseph Mhagama amesema shamba hilo la Serikali lilikuwa na hekari 15,000 ambapo hekari 5000 wamepewa wananchi kwaajili ya kilimo na wawekezaji wamepewa hekari 10,000 kwaajili ya uzalishaji wa vyakulia vya  mifugo

“Wananchi mmepewa hekari 5000 na eneo lililobaki tunampa mwekezaji kwaajili ya kilimo na siyo ufugaji bali ni kilimo cha mahindi ya njano soya na huu ndio mkakati wetu naomba tutoe ushirikiano shamba siyo letu ni la Wizara”.

Meneja wa Kampuni hiyo Savio Chanahi amesema wamejipanga kwaajili ya uzalishaji wa mahindi ya njano na soya na ufuta na watakuwa wanabadilisha mazao kwa kurutubisha ardhi na kulinda mazingira.

“ Sisi tumejipanga mara tu Wizara itakapo tukabidhi Shamba  tumejipa miezi miwili  mtaanza kuona vifaa kwaajili ya matumizi ya kilimo”.

Kutoka Kitengo cha Mawasiliano Halmashauri ya Wilaya ya Madaba                        

Februari 17,2024.