WATAALAMU WA AFYA NGAZI YA MSINGI WA HALMASHAURI YA WILAYA YA MADABA WAANZA MAFUNZO MAALUM YA KUBORESHA HUDUMA KWA WAZEE

Posted on: November 26th, 2025

Halmashauri ya Wilaya ya Madaba imezindua mafunzo ya siku tatu kwa Wataalamu wa Afya ngazi ya msingi, yakilenga kuboresha huduma za kinga, utambuzi na ufuatiliaji wa magonjwa ya wazee, magonjwa yasiyoambukiza, afya ya uzazi pamoja na huduma za wagonjwa majumbani. Mafunzo haya yanafanyika kuanzia tarehe 26–28 Novemba 2025 kwa ushirikiano kati ya Shirika la PADI na HelpAge Tanzania, na yanajumuisha wataalamu kutoka vituo mbalimbali ndani ya Halmashauri.


Akizindua mafunzo hayo, Mganga Mkuu wa Halmashauri, Dkt. Mussa Rashid, alisisitiza umuhimu wa kuwaandaa wataalamu wa afya kukabiliana na changamoto za wazee, ikiwemo udhaifu wa mwili, kupungua kwa kumbukumbu, na kuongezeka kwa magonjwa kama shinikizo la damu na kisukari.


Dkt. Rashid aliwataka washiriki kuzingatia maadili ya kazi na nidhamu wakati wote wa mafunzo, huku wakihakikisha wanatoa elimu ya kinga kwa jamii kuhusu magonjwa ya mlipuko na umuhimu wa usafi wa mazingira. Pia aliwakumbusha kuendeleza ujumbe wa kuimarisha amani katika maeneo yao ya kazi kama sehemu ya msingi ya ustawi wa wananchi.

Aidha, alisisitiza umuhimu wa kuhamasisha wazee kufanya mazoezi kulingana na mazingira na tamaduni za eneo husika, ikiwemo kushiriki ngoma za asili, kutembea na kufanya mazoezi mepesi yanayosaidia kuimarisha afya ya mwili na akili. Mazoezi haya ni sehemu muhimu ya kudhibiti magonjwa yasiyoambukiza na kuongeza ubora wa maisha ya wazee.

Mafunzo haya yanatarajiwa kuongeza uwezo na ujuzi wa wataalamu wa afya katika kutoa huduma bora kwa wazee na kuboresha huduma za NCDs, SRH na HBCs, hivyo kuiwezesha Halmashauri ya Madaba kuendelea kuwa mfano wa kuigwa katika utoaji wa huduma za afya kwa makundi maalum.

Video

WADAU WATOA MAONI JUU YA MAADILI KWA VIJANA
Video zaidi

Kurasa za karibu

Kurasa Mashuhuru

World visitors tracker

world map hits counter

Visitors Counter

free HitCounter

Ramani ya Mahali

Wasiliana Nasi

    MADABA - RUVUMA

    Anwani ya Posta: 38 BARABARA YA KIFAGURO MAGINGO, P.O.BOX 10, 57186 MADABA, SONGEA

    Simu: 0252951052

    Simu ya Mkononi:

    Barua pepe: ded@madabadc.go.tz

Other Contacts

   

Hatimiliki@2017 Halmashauri ya Wilaya ya Madaba.Haki zote zimeifadhiwa