WASABATO Madaba na Wanafunzi wa chuo cha Afya Songea wachangia damu Hospitali ya Wilaya Madaba

Posted on: December 11th, 2024

Waumini wa kanisa la Wasabato Madaba na wanafunzi wa chuo cha Afya Songea (Songea College  ofa health and allied science) wamechangia damu katika hospitali ya Wilaya ya Madaba.

Zoezi hilo limefanyika Disemba 11,2024 jumla ya chupa 19 za damu zimetolewa kwaajili ya uokoaji wa wagonjwa wa dharula, na huduma za mama na mtoto.

Mganga mkuu wa Halmashauri ya Wilaya ya Madaba Mussa Rashid  amewapongeza waumini wa kanisa hilo na wanafunzi wa chuo cha Afya Songea kwa kujitoa kutoa damu na kuwa mabalozi wazuri kwa wananchi wengine.

“Uchangiaji wa damu salama ni hiari na ni muhimu kwa sababu katika hospitali yetu tunauhitaji mkubwa wa damu ili kuokoa wagonjwa  wanaofanyiwa upasuaji ikiwa huduma za mama na mtoto zinaendelea,uhitaji  wa damu salama ni mkubwa”.

Hata hivyo mratibu wa  huduma za maabara ametoa elimu ya uchangiaji wa damu kwa waumini wa kanisa hilo  na wanafunzi wa chuo cha afya songea pia ametoa rai kwa wananchi wote kujitokeza  kuchangia damu salama ambayo itasaidia kuokoa uhai wa wananchi .

Kutoka Kitengo cha Mawasiliano Halmashauri ya Wilaya ya Madaba

Desemba 11,2024.