WANAWAKE Kata ya Ngumbiro walivyopewa Elimu ya Jukwaa

Posted on: August 31st, 2023

IDARA ya Maendeleo ya Jamii Katika Halmashauri ya Wilaya ya Madaba wameendelea kuhamasisha wananchi juu ya uzinduzi wa jukwaa la Wilaya linalotarajiwa kuzinduliwa Septemba 28/2023.

Anita Makota akiongoza idara hiyo ameongozana na Samwel Mtweve Afisa maendeleo ya jamii msaidizi na kukutana na uongozi wa UWT pamoja na Diwani  wa Viti maalum Zawadi Nyoni kijiji cha Ngadinda pamoja na viongozi wa Halmashauri ya Kijiji ,Kijiji cha Ngumbiro.

Makota amesema katika ziara hiyo wamehamasisha wanawake kuhuduria siku ya uzinduzi wa Jukwaa hilo ambalo litapelekea wanawake kuonyesha biashara zao.

“Tumehamasisha wanawake wa Kata ya Ngumbiro siku ya uzinduzi wa Jukwaa la wanawake waje kwenye maonyesho na bidhaa zao zitakazopelekea upatikanaji wa fursa za kibiashara”.

Hata hivyo katika uhamasishaji huo wameongea na wajane na Yatima watambulike ili waweze kupata fursa mbalimbali zinapotokea pamoja na kuendeleza mshikamano.

Kutoka Kitengo cha Mawasiliano Halmashauri ya Wilaya ya Madaba

Agosti 31,2023.