WANANCHI wa Kata ya Wino wampa heko Mbunge wa Madaba

Posted on: July 10th, 2024

WANANCHI wa Kata ya Wino wamempongeza Mbunge wa Jimbo la Madaba kwa kuwaletea fedha za utekelezaji wa miradi yenye thamani ya shilingi 2,700,336,905.3 mwaka wa fedha 2022/2023 na 2023/2024.

Diwani wa Kata hiyo ambaye ni Mwenyekiti wa Halmashauri  Teofanes Mlelwa amema hayo katika hafla ya kumpongeza Mbunge wa Jimbo la Madaba Joseph Mhagama iliyofanyika katika kijiji cha Igawisenga Kata ya Wino.

“Wananchi hawa baada ya kuona umefanya vizuri na kuwa Mwenyekiti wa Bunge wakaona wakupongeze na tunajisikia vizuri tunavyokuona Bungeni”.

Hata hivyo amesema katika hafla hiyo kijiji cha Igawisenga kimepata jumla ya shilingi Milioni 462,957,447.00  kwaajili ya utekelezaji wa miradi mbalimbali.

Kijiji cha Wino kilipata jumla ya shilingi Milioni 973,898,3000.65 kwaajili ya utekelezaji miradi na kijiji cha Lilondo kilipata jumla ya shilingi Milioni 870,581,127.65  zimetekeleza Miradi.

Kutoka Kitengo cha Mawasiliano Halmashauri ya Wilaya ya Madaba

Julai 9,2024.