WANAFUNZI 72 Lilondo Madaba wahitimu Elimu ya Msingi

Posted on: September 21st, 2023

WANAFUNZI 72 katika Shule ya Msingi Lilondo Kata ya Wino Halmashauri ya Wilaya ya Madaba wamefanikiwa kuhitimu Elimu ya Msingi mwaka 2023.

Mwalimu Mkuu wa Shule hiyo Agnes Sanga akisoma taarifa katika Hafla fupi ya Kuwaaga wanafunzi hao amesema wanafunzi hao walianza darasa la kwanza Mwaka 2017  wakiwemo wanafunzi 78 wavulana 43 na wasichana 35.

Sanga amesema hadi kufikia Mwaka 2023 wamehitimu wanafunzi 72 ikiwa wavulana  41 na wasichana 31 .

Mkuu wa wa Shule amemshukuru Diwani wa Kata hiyo ambaye ni Mwenyekiti wa Halmashauri ya Wilaya ya Madaba kwa kufanikisha Shughuli mbalimbali za maendeleo  katika Shule ya Lilondo.

“Tunakushukuru Mh. Diwani wa Kata ya Wino,wazazi na walezi pamoja na wadau kwa ushirikiano wa kufankisha shughuli zote za maendeleo pamoja na kuchangia chakula cha mchana kwa wanafunzi”.

Hata hivyo Mwalimu amesema Shule hiyo inaupungufu wa walimu 8,ukosefu wa fedha za kukarabati nyumba 1 ya Mwalimu pamoja na shimo la choo.

Imeandaliwa na Aneth Ndonde

Kutoka Kitengo cha Mawasiliano Halmashauri ya Madaba

Septemba 21,2023.