WALIMU wapandishwa Madaraja kwa asilimia 90 Madaba

Posted on: July 12th, 2024

 Halmashauri ya Wilaya ya Madaba imepandisha walimu madaraja   kwa asilimia 90 kwa wote ambao  walistahili na kumaliza zoezi hilo kwa wakati.

Hayo amesema Afisa elimu  taaluma Devis Mwasi katika hafla ya kuwapongeza walimu hao na kutoa  zawadi mbalimbali kama motisha kwa walimu na shule zilizofanya vizuri mwaka 2023.

 Mwasi amempongeza Mkurugenzi mtendaji wa Halmashauri hiyo kwa kuwasimamia kwa ukaribu Walimu na kupelekea  kushika nafasi ya kwanza kimkoa  kwa miaka sita mfululizo.

 “Mara kadhaa umesema wewe ni mwalimu japo ni wakili na umezijua taratibu zote za elimu na hata tunapofanya shughuli za Kitaifa hujawa nyuma tunakushukuru kwa kutusimamia vema”.

Aidha Mwasi amewashukuru wakuu wa shule kuendelea kuweka mauhusiano mazuri na walimu na kuhakikisha wanakuwa na umoja ambao unapelekea matokeo mazuri kila Mwaka.

Kutoka Kitengo cha Mawasiliano Halmashauri ya Wilaya ya Madaba

Julai 10,2024.