WALIMU Msingi na Sekondari Madaba wapewa Mafunzo ya Manunuzi

Posted on: July 28th, 2023

HALMASHAURI ya Wilaya ya Madaba wamefanya mafunzo ya Manunuzi kwa Walimu wa Shule za Msingi na Sekondari.

Mkurugenzi Mtendaji wa Halmashauri hiyo Sajidu Idrisa Mohamed akifungua mafunzo hayo  amesema ni sehemu ya kukumbushana  ikiwa mwaka wa fedha 2022/2023 umeisha na kuanza mwaka wa Fedha mpya  2023/2024 na kutathimini utekelezaji wa Miradi ambayo imetekelezwa kwa kipindi hicho.

Mkurugenzi amesema Miradi mingi inayotekelezwa inatoka katika ngazi ya Elimu ya Msingi na Sekondari   zaidi ya Shilingi Bilioni 4 imepokelewa kwaajili ya ujenzi wa miradi hiyo.

“Hizo fedha zote tulizopokea nasema kama ni mtihani na matokeo yake kuona miundombinu imesimama kwa viwango  na ubora unaotakiwa”

Hata hivyo Mohamed amesema baada ya kuangalia ubora wa miundombinu pamoja na kuzingatia  utaratibu wa manunuzi kwa mujibu wa sheria,zilizowekwa katika  fedha pamoja na ufuatiliaji .

Hata hivyo Mkurugenzi amesema mwaka wa fedha 2022/2023 unapoisha ni mwanzo wa ukaguzi wa mwaka mpya wa fedha  2023/2024 kwa kuangalia matumizi ya fedha zilizoletwa kwaajili ya Miundombinu yote.

Kutoka Kitengo cha Mawasiliano Halamshauri ya Madaba

Julai 27,2023.