WAKULIMA Madaba wanufaika na Ufuta

Posted on: July 18th, 2023

MKUU wa Wilaya ya Songea Wilman Ndile ametoa rai kwa wananchi wa Wilaya hiyo kulima zao la Ufuta  ambalo halitumii mbolea na linapendwa kutumiwa na nchi za nje.

Hayo alisema alipofunga kikao cha utekelezaji wa afua za Lishe cha Robo ya nne Aprili- Juni 2023 kilichofanyika katika Halmashauri ya Wilaya ya Madaba.

Ndile amesema watumishi waache kutegemea mshahara badala yake wawekeze katika kilimo cha  zao la ufuta ambalo litasaidia kuwawezesha kupata fedha za ziada.

Kwa upande wake mkuu wa Idara ya Kilimo Halmashauri ya Madaba Joseph Mrimi amesema  katika Halmashauri ya Wilaya ya Madaba wamefanikiwa kuuza ufuta katika vyama vya Msingi  tani 134,584   kwa kilo shilingi 3200/= na kupata shilingi  Milioni 430,668,800/=,Soya imeuzwa tani 11,217 kwa shilingi 855 jumla ya shilingi Milioni 9,590,535/=.

Hata hivyo Mrimi amesema wakulima wamepata kiasi cha shilingi Milioni 426,832,508/= na Halmashauri imepata ushuru wa  zaidi ya shilingi Milioni 10,497,681’5/=

“Kijiji cha Ifinga kimefanikiwa kuuza ufuta katika chama cha msingi IFINGA AMCOS  Kilo 93,949,wakulima wamepata shilingi Milioni  292 ,463,237/=pamoja na Halmashauri imepata ushuru wa  shilingi  Milioni 7,046,175/= ”.

Kutoka Kitengo cha Mawasiliano Halmashauri ya Madaba

Julai,18,2023.