VYUMBA viwili vya Madarasa Shule ya Sekondari Lipupuma Madaba vya zinduliwa na Mwenge wa Uhuru

Posted on: April 19th, 2022

Mwenge wa Uhuru umezindua miradi nane katika Halmashauri ya Madaba Ukiwemo Mradi wa vyumba viwili vya Mdarasa Shule ya Sekondari Lipupuma.

Mkurugenzi  Mtendaji wa Halmashauri hiyo Sajidi Idrisa Mohamed amesema Shule ipo katika Kata ya Mkongotema na ilianzishwa April 23,2007 na kupewa namba ya usajili S3242.

Amesema Mradi wa Vymba viwili vya Madarasa uliibuliwa na wananchi Desemba 2020, kwa kuanza kufyatua tofari na ujenzi wa maboma, ikiwemo ukamilishaji ulianza rasmi  Novemba  30,2021 baada ya kupokea fedha za tozo kiasi cha shilingi milioni 25 kutoka Serikali kuu.

Hata hivyo Mkurugenzi amesema lengo la mradi huo ni kuondoa adha ya wanafunzi kubanana katika vyumba vya Madarasa  na kusaidia kuongeza ufaulu wa wanafunzi katika Mitihani ya Kitaifa na kusaidia wanafunzi kusoma katika Mazingira mazuri na kuongeza ari ya kujisomea.

“Mradi umekamilika  kwa gharama ya zaidi ya shilingi milioni 29 kati ya fedha hizo milioni 25 kutoka  Serikali Kuu na milioni 4,860,000 ni nguvu za wananchi zilizojumuisha  uchimbaji wa msingi”.

Amesema mradi huo umetekelezwa kupitia utaratibu wa FORCE ACCOUNT  ambapo Shule ilinunua vifaa na kuajili fundi wa ujenzi  Shughuli za ujenzi ulikuwa chini ya  Kamati ya Ujenzi na manunuzi ya Vifaa  pamoja na Kamati ya Mapokezi  na kukamirisha mradi Machi 01,2021.

“Natoa Shukrani za dhati kwa Mh.Rais wa Jamhuri ya Muungano wa Tanzania Samia Suluhu Hassan kwa kutoa fedha za ukamilishaji”.

Imeandaliwa na Aneth Ndonde

Kutoka Ofisi ya Habari ya Mkuu wa Mkoa wa Ruvuma

Aprili 15 2022