VIONGOZI wa Dini Ruvuma wamlilia Rais Magufuli

Posted on: March 19th, 2021

Kamati ya Amani Mkoa wa Ruvuma kwa kipindi hiki cha majonzi ya kuondokewa na Rais Magufuli wamewaasa wananchi  kuwa watulivu.

Akizungumza katika kikao cha  Kamati ya Amani cha viongozi wa Dini  Mkoa wa RuvumaMwenyekiti  Alhaji Shekhe  Shabani Mbaya  ametoa pole kwa Taifa la Tanzania na kwa mama Janeth Magufuli na familia pamoja na Serikali ya Jamhuri ya Muungano wa Tanzania.

“Mzalendo namba moja ametutoka kipenzi cha watanzania tumepatwa na mshituko  mkubwa,tuna majonzi makubwa,kama viongozi wa dini tunamasikitiko makubwa sana ya kuondokewa na Jemedari wa Vita“.

Katibu wa Balaza la Makanisa ya Kipentekoste Tanzania (CPCT) Mchungaji Elimu Mwenzegule  amesema tutamkumbuka kwa mengi ambayo amefanya katika uhai  wake katika kutetea wanyonge na kutopenda mafisadi nchini na wahujumu uchumi.

Mwanzegule amesema Rais Magufuli alipenda nchi ya Tanzania na alihakikisha  inajengwa na watanzania wenyewe katika kipindi chote alicholichokuwa madarakani  alifanya kazi na watanzania hakupenda kutoka nje na alisema ni Rais wa watanzania na aliwatumikia kwa moyo.

“Tumepoteza kiongozi Jemedali na hodari Tunamuombea makamu wa Rais Mungu ampe uvumili  katika kusimamia Maombolezo haya na kumpumzisha Mpendwa wetu, amevipiga vita vilivyo vizuri mwendo ameumaliza,Imani ameilinda  Rais Magufuli katika nchi yetu na mwendo ameumaliza”.

Amesema anawatakia viongozi waendelee kuwa na mshikamano ili kuendeleza kazi nzuri  alizoacha Rais,watanzania tuendelee kuwa pamoja  tushikamane kwa utulivu katika wakati huu mgumu ambao tunapitia kwa tukio hili ambalo hatukulitalajia  tushikamane,tutiane moyo.

Naye Makamu mwenyekiti wa Amani  Mkoa wa Ruvuma  Askofu wa Kanisa la KKKT Dayosisi ya Ruvuma Amoal Mwenda kwa upekee wake  na kadri alivyozoeleka kwa kazi nzuri  Mungu alimpa vipawa vyake katika utendaji kazi na kutokuwa na ubaguzi kwa watu wote.

Amesema viongozi wa Dini Mkoa wa Ruvuma tunaungana pamoja na Mkuu wa Mkoa wa Ruvuma kuwaomba wananchi wote kuwa watulivu huku tukishikamana na kuomboleza kwa umoja wetu.

Imeandaliwa na Aneth Ndonde

Afisa Habari  Halmashauri ya Madaba

Machi 19,2021.