VIONGOZI wa Dini Madaba wapewa Mafunzo ya Malezi,ulinzi na usalama wa Mtoto

Posted on: August 25th, 2023

VIONGOZI wa Dini Halmashauri ya Wilaya ya Madaba wamepewa mafunzo ya Malezi , ulinzi na Usalama wa Mtoto.

Mafunzo hayo yametolewa na Mkurugenzi wa Taasisi ya APEC  Chuo cha Fursa na Mipango Tanzania  Respicius Timanywa yamefanyika katika Shule ya Sekondari Madaba day na kuhudhuliwa na viongozi wa Dini mbalimbali.

Timanywa amesema mafunzo hayo hadi kufikia sasa yametolewa katika Mikoa 15 na Halmashauri zake na kuzungumza na viongozi wa Dini walimu wa malezi,walimu wa Unasihi,walezi wa wanafunzi mashulezi na jamii nyingine inayolea watoto.

“Lengo kubwa la mafunzo hayo ni kuunga mkono jitihada kubwa ya Mh. Rais Samia  Suluhu Hassan za kuboresha malezi ya Mtoto ikiwa ni pamoja na kuzuia ukatili wa kijinsia”.

Hata hivyo Mkurugenzi Timanywa amesema ametoa mafunzo kwa viongozi wa Dini kwasababu ni watu wenyekutoa msaada katika jamii, ni watu wanaoishi na makundi mbalimbali ya watu.

“Viongozi wa Dini Watayafanya mafunzo haya kama mahubiri katika Makanisa yao,Misikiti hatimaye zoezi hili la usalama na malezi ya mtoto litaeleweka kwa wananchi wengi , hatimaye dira ya Serikali na mpango wa Mh. Rais utaimarisha mpango wa watoto na watatimiza ndoto zao”.

Amesema viongozi hao wa Dini wamepokea  mafunzo hayo,hivyo  kwa kina yatafanyika Septemba 21 hadi 28,2023 kuanzia saa 9 kamili alasiri hadi saa 11 Jioni Shule ya Sekondari Madaba day.

Imeandaliwa na Aneth Ndonde

Kutoka Kitengo cha Mawasiliano Halmashauri ya Wilaya ya Madaba

Agosti 25,2023.