TFS Wino Madaba yatoa miche ya miti 200,000 kwa wananchi

Posted on: January 8th, 2025

Serikali imetoa miche ya miti   200,000 bure kwa wananchi wa Halmashauri ya Wilaya ya Madaba kupitia Wakala wa Misitu Wino (TFS) .

Akizungumza mhifadhi mkuu wa Shamba hilo Grory Fotunatus  ametoa rai kwa wananchi kutunza misitu ikiwemo miche inayotolewa bure kwa wananchi ili kuepuka uchomaji wa moto hovyo.

Naye Mwenyekiti wa Halmashauri hiyo Teofanes Mlelwa amesema kuwa Halmashauri ya Wilaya ya Madaba inategemea sana mapato yake kupitia kilimo cha miti hivyo ametoa rai kwa wananchi kuchangamkia fursa ya upandaji wa miti ikiwa miche inapatikana bure.

“Nichukue nafasi hii kuwapongeza wananchi wa kata ya Wino maana bila wao hata Halmashauri ingepungukiwa sana kimapato baada ya miaka 10 mbele nasisi tutakuwa juu sana kimapato”.

Kutoka Kitengo cha Mawasiliano Halmashauri ya Wilaya ya Madaba

Januari 7,2025.