SERIKALI yatoa Milioni 90 kuboresha Madarasa 6 shule ya Msingi Ifinga Madaba

Posted on: October 7th, 2023

1. Serikali  imetoa shilingi Milioni 90 kwaajili ya ukarabati wa Madarasa sita  katika Shule ya Msingi Ifinga Kata ya Matumbi Halmashauri ya Madaba yaliyojengwa mwaka 1922 ilipoanzishwa shule hiyo.

Kamati ya Siasa Mkoa wa Ruvuma inayoongozwa na Komred Oddo Mwisho  imetembelea na kukagua mradi huo ametoa rai kwa viongozi kuhakikisha wanasimamia mradi huo kwa wakati ikiwa Rais samia anatoa fedha kwaajili ya kuboresha Miundombinu ya shule.

“Nitoe rai kwenu  naomba tukimbizane na hali ya hewa ili tuepuke kufanya kazi wakati wa masika  mvua zikinyesha   eneo la Ifinga siyo rafiki”.

Mwisho amesema Serikali inathamini umuhimu wa Wananchi ndiomana inaleta fedha hivyo ameipongeza na kumshukuru Rais wa awamu ya sita kwa kuhakikisha anaboresha miundombinu na kuhakikisha wanafunzi wanapata maeneo mazuri ya kujifunzia.

Kutoka Kitengo cha Mawasiliano Halmashauri ya Madaba

Oktoba 7,2023.