SERIKALI yaleta zaidi ya shilingi bilioni moja kuboresha miundombinu ya Elimu Madaba

Posted on: July 12th, 2024

Serikali imeleta fedha kiasi cha shilingi bilioni 1,758,800,000 kwaajili ya ujenzi wa miradi ya Elimu Sekondari na Msingi katika Halmashauri ya Wilaya ya Madaba.

Hayo amesema Mkurugenzi  Mtendaji wa Halmashauri hiyo Sajidu Idrisa Mohamed wakati akitoa zawadi kwa shule na walimu waliofanya vizuri katika matokeo ya kidato cha nne mwaka 2023.

Aidha amempongeza Rais wa Jamhuri ya Muungano wa Tanzania Dkt.Samia Suluhu Hassan kwa kuendelea kuleta Fedha za uboresha wa miundombinu ya Elimu Sekondari na Msingi.

 “Tunamshukuru Rais ametusaidia tumepata fedha nyingi sana zimesaidia kuboresha miundombinu ya Elimu  tunavyo vyoo vya kutosha,madarasa  na madawati”.

Hata hivyo amesema  fedha hizo kwa idara ya elimu sekondari zimeletwa kiasi cha shilingi 1,360,000,000/= na Elimu Msingi imepata shilingi milioni 398,800,000/= kwaajili ya ujenzi wa miundombinu.

Kutoka Kitengo cha Mawasiliano Halmashauri ya Wilaya ya Madaba

Julai 10,2024.