RC Ibuge awaagiza Ruwasa na wataalamu wa Bonde la Ziwa Nyasa kutoa Elimu ya kutunza vyanzo vya Maji

Posted on: October 29th, 2021

MKUU wa Mkoa wa Ruvuma Brigedia Jeneral Wilbert Ibuge ametembelea Miradi ya Maji katika Halmashauri ya Madaba Wilaya ya Songea.

Ibuge katika ziara hiyo ametembelea chanzo cha Maji cha Igawisenga,Kibandisi  na Igombezi na  kuwaagiza wataalamu kutoa Elimu naakuwa na  makubaliano ya pamoja na wananchi  katika swala nzima la kulinda vyanzo vya maji.

Hata hivyo Ibunge amewaagiza viongozi wakiwemo waheshimiwa madiwani kutoa elimu kwa wananchi hao ikiwemo katika swala nzima la kuacha kufanya shughuli za kibinadamu katika maeneo ya vyanzo vya Maji.

“Msiseme tumewapa wananchi Elimu wameelewa lazima kuwepo na makubaliano  na uelewa wa pamoja ili Maji yawe endelevu ili na vizazi vijavyo waweze kuyakuta”.

 Mhandisi Chales Mathias wa Wilaya ya Songea amesema mradi wa Igawisenga ulianza Februali  2021 na kugharimu kiasi cha shilingi milioni  831,229 kwa kuwatumia wataalamu wa ndani.

Mhandisi ameelezea changamoto za ujenzi wa mradi huo ikiwemo kupeleka vifaa kwa kutumia usafiri wa pikipiki wakati wa mvua na mradi haukuweza kukamilika kwa wakati

Mathias ameeleza hali ya utekelezaji wa Maji imefikia asilimia 80 kwa kujenga tanki la Maji la lita laki moja,Nyumba ya Mlinzi, Ununuziwa Mabomba ,ujenzi wa vituo 18 vya kuchotea Maji.

Imeandaliwa na Aneth Ndonde

Kutoka ofisi ya Mkuu wa Mkoa Ruvuma

Octoba 28,2021