NYUMBA ya Mwalimu Kifaguro Halmashauri ya Madaba yafikia asilimia 98

Posted on: July 14th, 2023

Serikali imetoa shilingi Milioni 200 kutekeleza ujenzi wa Nyumba 4 za Walimu katika Shule za Msingi Kifaguro,Mtazamo,Madaba na Igawisenga Halmashauri ya Wilaya ya Madaba.

Mwalimu Mkuu wa  Shule ya Kifaguro  Letisia Mlelwa amesema katika utekelezaji wa ujenzi wa Mradi huo Nyumba ya Mwalimu katika Shule ya Msingi Kifaguro imekamilika kwa asilimia 98.

Amesema ujenzi wa nyumba hiyo umeghalimu kiasi cha shilingi Milioni 50 kutoka Serikali Kuu pamoja na  nguvu kazi za wananchi kiasi cha Shilingi 750,000/=.

Mlelwa ameipongeza Serikali ya awamu ya Sita ,Mbunge wa Jimbo la Madaba pamoja na Diwani wa Kata ya Lituta kwa juhudi mbalimbali za kuendelea kuwapatia fedha kwaajili ya kuboresha makazi ya Walimu.

“Tunaishukuru Serikali ya awamu ya sita inayoongozwa na Rais Samia kwa kuendelea kutoa fedha kwaajili ya utekelezaji wa miradi ya Shule”.

Kutoka Kitengo cha Mawasiliano Halmashauri ya Madaba

Julai,14,2023.