NMB walivyo boresha huduma ya jiwekee

Posted on: July 3rd, 2024

MENEJA wa benki ya NMB Madaba Ghati wakete amewapongeza watumishi wa Halmashauri ya Wilaya ya Madaba kwa kuendelea kutumia na kupata huduma za benki ya NMB.

Pongezi hizo amezitoa katika kikao cha wakuu wa Idara na vitengo cha kusikiliza maoni ya benki ya NMB pamoja na kuboresha mapungufu ya mfumo wa mikopo ESS.

“Kwa kutambiua mchango huo  benki ya NMB tunawashukuru kwa dhati muendelee na moyo huo kwa kushirikiana na sisi ,tutaendelea kuboresha huduma zetu”.

Wakete amesema lengo la kikao hicho ni kusikiliza maoni ya huduma za benki ya NMB zilizoboreshwa na zinazoendelea kuboreshwa na kuchangia vitu ambavyo vinaweza kuboreshwa ili waweze kufanya vizuri zaidi.

“Leo tunachukua changamoto zote ambazo mnapata kwenye mfumo wa ESS tutapeleka ngazi ya juu ili waboreshe”.

Ainda amesema kuna huduma ambayo imeboreshwa inayoitwa jiwekee kwaajili ya kutunza akiba kwa kipindi cha miaka mitano kwa aslimia ambayo wewe mwenyewe unaona inafaa kuanzia asilimia1 hadi 100.

“Huduma hizo zimewezeshwa kwenye simu janja  za mkononi unaweza ukaingia  ukachagua huduma ya jiwekee na ukajiwekea asilimia unazotaka”.

Kutoka Kitengo sha Mawasiliano Halmashauri ya Wilaya ya Madaba

Julai 2,2024.