Afisa mwandikishaji Jimbo la Madaba atoa rai kwa Wananchi kujitokeza katika zoezi la uboreshaji wa daftari la kudumu la mpiga kura

Posted on: January 15th, 2025

Halmashauri ya Wilaya ya  Madaba itaanza rasmi zoezi la uboreshaji wa daftari la kudumu la mpigakura  Januari  28,2025 hadi Februari 3,2025.

Hayo amesema Mkurugenzi Mtendaji wa Halmashauri hiyo ambaye ni Afisa mwandikishaji Jimbo la Madaba Sajidu Idrisa Mohamed.

Akizungumza  katika kikao cha mapitio ya mpango mkakati wa magonjwa yaliyokuwa hayapewi kipaumbele amesema zoezi hilo litafanyika kwa mujibu wa ratiba kwa wale ambao hawakufikisha umri wa miaka 18,waliohama kutoka sehemu moja kwenda nyingine na kuondoa wale ambao wametangulia mbele za haki pamoja na wale taarifa zao zilikosewa.

“Niwahamasishe na ninyi mkawe mabalozi katika maeneo yenu wakati zoezi litakapoanza katika Jimbo la  Madaba watu wajitokeze kwa wingi”.

Hata hivyo Mohamed ametoa rai kwa viongozi wa dini kuhakikisha wanawahamasisha waumi katika kushiriki zoezi hilo.

Kutoka Kitengo cha Mawasiliano Halmashauri ya Wilaya ya Madaba

Januari 15,2024.