MKURUGENZI :Madaba hakuna Shule iliyosajiliwa kwa jina la Litepatile

Posted on: April 22nd, 2022

 Kufuatia taarifa zinazosambaa katika mitandao  ya Kijamii na kusemekana ni shule ya Msingi Litepetile ambayo ipo katika Halmashauri ya Madaba Mkurugenzi wa Halmashauri hiyo ametembelea eneo hilo leo.

Mkurugenzi mtendaji wa Halmashauri hiyo  Sajidu Idrisa Mohamed mara baada ya kufika katika eneo hilo amebaini katika Halmashauri hiyo hakuna shule iliyosajiliwa kwa Jina la Litepetile.

“Nimefika katika eneo hili linalosadikika ni Shule ya Msingi Litepetile kutokana na habari iliyosambaa katika mitandao ya kijamii,Halmashauri ya Madaba hatuna Shule iliyosajiliwa kwa jina hilo”.

Mkurugenzi amesema kuna wafugaji wanaohamahama kutafuta marisho ya mifugo yao na wameamua kujitengenezea utaratibu wa kuanzisha Sehemu ya kufundishia watoto wao waliohama nao kutoka sehemu mbalimali.

Hata hivyo Mkurugenzi amesema wengi wao wana mda wa miaka miwili katika eneo hilo na wamesema wanauhitaji wa Shule lakini hawakujua utaratibu wa kufuata na kuanzisha  Shule.

_{”Kama Serikali ya Halmashauri ya Madaba nimeongozana na timu yangu tumetoa  maelekezo na utaratibu wa kusajili Shule, nakanusha taarifa iliyosambaa katika mitandao siyo ya kweli  badala yake tunashule  inaitwa kibula ng’ombe ipo kata ya Mtyangimbole”.}

Mkurugenzi ametoa wito kwa wafugaji hao kupeleka   watoto wanaoishi katika eneo hilo wakasajiliwe  katika Shule ya Msingi Kibulang’ombe ambayo inamamlaka ya kubeba wanafunzi  wote na  kufuata utaratibu unaotakiwa na siyo kupotosha taarifa na kuleta taharuki katika mitandao ya kijamii.

Imeandaliwa na Aneth Ndonde

Kutoka Ofisi ya Habari mkoa wa Ruvuma

April 22,2022