MITI 2000 yapandwa Madaba

Posted on: January 4th, 2023

KUFUATIA agizo la Makamu wa Rais Philip Mpango la Upandaji wa Miti kila Halmashauri ipande miti 1,500,000 Halmashauri ya Madaba inatekeleza kimkakati na kufikia Januari 4,2023 imepanda miti 2000 iliyotolewa na Wakala wa Misitu (TFS).

Hayo yamesemwa na Afisa misitu Halmashauri ya Madaba Erenest Nombo mara baada ya upandaji wa miti 360 katika bonde la mto Nyasa chanzo cha maji cha Mbangamawe Kata ya Ngumbiro.

Kwa Upande wake Mhandisi na Mratibu wa Mazingira RUWASA  Sheila Kimweri akiwa na timu yake katika zoezi la upandaji wa miti katika chanzo cha Maji cha Mbangamawe  amesema katika Wilaya ya Songea watahakikisha wanapanda miti katika vyanzo vyote vya Maji.

“Tutahakikisha tunapanda miti ambayo ni rafiki katika vyanzo vyote vya maji ambayo hainyonyi maji”.

Mwenyekiti wa Kijiji cha Mbangamawe Sallum Abdalah Brash katika zoezi hilo amesema amewapongeza Wakala wa Misitu TFS kwa kutoa miche ya Miti bure ili kuhakikisha vinapandwa katika vyanzo vya maji.