MBUNGE Madaba akabidhi gari ya wagonjwa Kituo cha afya Mtyangimbole

Posted on: May 26th, 2024

MBUNGE  waJimbo la Madaba Joseph Mhagama amekabidhi Magari ya wagonjwa kituo cha afya Mtyangimbole.

Mbunge akizungumza katika makabidhiano hayo amempongeza Rais wa Jamhuri ya Muungano wa Tanzania Dkt. Samia Suluhu Hassan kwa kuleta magari mapya mawili Katika Jimbo hilo ambalo moja litatumika kituo cha afya mtyiyangimbole.

“Hapa tumejenga kituo cha afya miaka nane iliyopita palikuwa pori ni katika awamu yake akiwa makamu wa Rais tulipata milioni 500 kwaajili ya ujenzi wa kituo cha afya na katika awamu ya sita akiwa Rais wa Jamhuri ya Muungano wa Tanzania tumemaliza kazi zote na ametuletea gari ya wagonjwa tunamshukuru sana”.

Hata hivyo Mhagama ametoa rai kwa wananchi kuendelea kumwombea Rais Samia kwa kuwa msikivu kwa kuleta miramdi mbalimbali katika Jimbo la Madaba ikiwemo miradi ya Elimu,Afya na mingine mingi.

“Leo Mganga mkuu wa Kituo cha afya mtyangimbole tunakukabidhi hii gari tunaomba uitunze na kutunza hiki chombo ni kumheshimu Rais Samia.

Hata hivyo amempongeza Mkurugenzi mtendaji wa Halmashauri hiyo kwa kuendelea kuchapa kazi na Halmashauri kuendelea kupata hati safi kila mwaka.

Kutoka kitengo cha Mawasiliano Halmashauri ya Wilaya ya Madaba

Mei 27,2024.