MBIO za Mwenge wa Uhuru Ruvuma kuanza Aprili 17 na kukabidhi Mkoa wa Njombe Aprili 25

Posted on: February 25th, 2023

Mkuu wa Mkoa wa Ruvuma Kanal. Laban Thomas amewataka viongozi na Wataalamu Mkoani Ruvuma kuhakiksha wanafanya ukaguzi wa  nyaraka za miradi yote itakayotembelewa na mwenge ili kujiridhisha na hatua ya  utekelezaji wa mradi husika.

Amesema kila kiongozi katika nafasi yake anapaswa kuwajibika katika kutekeleza   majukumu yake ya kazi ikiwemo   na kujenga ushirikiano katika kusimamia  miradi yote inayotekelezwa ngazi ya Halmshauri na kufikia lengo lililokusudiwa.

Hayo yamejili  katika kikao cha maandalizi ya mapokezi ya Mwenge wa Uhuru mwaka 2023 Mkoani Ruvuma kilichofanyika leo tarehe 24 Februari katika ukumbi wa Manispaa ya Songea ambapo kilihudhuriwa na viongozi ngazi ya Mkoa, Wakuu wa Wilaya, Mkatibu tawala Wilaya, Wakurugenzi wote, Waratibu wa Mwenge kila Halmashauri, pamoja na kamati ya ulinzi na usalama, kilichofanyika kwa lengo la  kupokea tathimini ya Mbio za mwenge wa Uhuru 2022 na maandalizi ya mapokezi ya Mwenge wa Uhuru 2023.

Kanal. Laban amesema Mbio za Mwenge wa Uhuru kwa mwaka 2023 Mkoani Ruvuma zitaanza rasmi tarehe 17 Aprili 2023, ambao Mwenge utapokelewa ukitokea Mkoa  wa Lindi na mapokezi yatafanyika katika kijiji cha Sauti  Moja,  Wilayani  Tunduru  ambapo utakimbizwa katika Halmashauri 8 nane na kukabidhiwa katika Mkoa wa Njombe  kijiji cha Kipingu tarehe 25 Aprili 2023.”Alibanisha”

Kwa mwaka 2022 Mkoa wa Ruvuma ulipokea Mwenge wa Uhuru  tarehe 08 April 2022 katika kijiji cha Lituhi Wilaya ya Nyasa na ulikabidhiwa kwa uongozi wa Mkoa wa Mtwara  tarehe 16 April  2022 katika kijiji cha Lumesule Wilaya ya Nanyumbu.

Kwa upande wake Mwenyekiti wa CCM Mkoa wa Ruvuma Oddo Mwisho amesema Chama cha Mapinduzi kina wajibu wa  kutembelea miradi na kufanya  ukaguzi wa   miradi yote inayotekelezwa na Serikali ili  kujiridhisha  kila  hatua ya mradi  katika  Halmashauri.

Komredi Oddo amewataka wataalamu wte Mkoani Ruvuma kuhakikisha wanaweka kumbukumbu za kila mradi ambao utatembelewa na Mwenge ili kujirisha na utekelezaji wake.