MBEGU za ngano kutolewa bure kwa wakulima Madaba

Posted on: January 15th, 2025

MKUU wa Wilaya ya Songea Kapenjama Ndile ametoa rai kwa wananchi wa Halmashauri ya Wilaya ya Madaba kulima zao la Ngano

Akizungumza na wananchi hao amesema ofisi ya Mkuu  wa Wilaya imezungumza na kampuni ya bia ya Serengeti ambao watanunua zao hilo mara baada ya mavuno.

“Mwaka huu nimebuni na nyie mnatakiwa kuniunga mkono tutawapeni mbegu bure na tutafanya maarifa mpate na mbolea yeyote ambae anaheka moja na kuendelea tutampa mbegu na  soko tunalo ni kampuni ya Bia ya Serengeti”.

Mwenyekiti wa Halmashauri hiyo Teofanes Mlelwa amemshukuru Mkuu wa Wilaya kwa kuhimiza utunzaji wa misitu na kilimo cha ngano ikiwa wananchi wa Wino miaka 30 iliyopita walikuwa wanalima ngano kutokana na kutokuwa na soko waliacha kilimo hicho.

“Lakini kwa maelekezo mazuri ya Mkuu wa Wilaya kwamba ataleta mbegu na wanunuzi wa zao la ngano tunaomba swala hili lifanyike kwa haraka ili wananchi waweze kulima kwa wakati”.

Kitengo cha Mawasiliano Serikalini Halmashauri ya Wilaya ya Madaba

Januari 16,2025.