MATUNDU 11 Igawisenga yamaliza changamoto kwa wanafunzi

Posted on: August 14th, 2024

Kamati ya fedha iliyoongozwa na makam Mwenyekiti wa Halmashauri ya Wilaya ya Madaba Oraph Pili imetembelea na kukagua mradi wa ujenzi wa matundu ya vyoo 11 katika shule ya msingi Igawisenga Kata ya Wino.

Mwalimu anayesimamia mradi huo Michael Ndikwege amesoma taarifa kwa kamati hiyo amesema walipokea kiasi cha shilingi milioni 30,739,248 kupitia mradi wa SWASH  na kuanza ujenzi ambao umefikia hatua ya ukamilishaji.

Amesema ujenzi wa mradi  huo ulianza Juni 1,2024 na unatarajia kukamilika Agosti 19,2024 na hadi kufikia sasa ujenzi umefikia katika hatua ya ukamilishaji.

Aidha amesema mradi huo utakapokamilika utasaidia kupunguza changamo ya vyoo shuleni na utaongeza ufaulu wa wanafunzi.

Kutoka Kitengo cha Mawasiliano Halmashauri ya Wilaya ya Madaba

Agosti 14,2024.