MAKARANI Madaba wala kiapo cha usimamizi wa Uchaguzi Mdogo Kata ya Mtiyangimbole

Posted on: September 15th, 2023

Msimamizi wa uchaguzi Jimbo la Madaba Sajidu Idrisa Mohamed ametoa rai kwa Makarani 22 waogozaji wapiga kura kutokuwa na upendeleo wa chama katika kituo cha kupigia kura.

Hayo ameongea alipofungua  mafunzo ya siku moja ya  Makarani waongozaji watakao simamia uchaguzi mdogo wa udiwani  Kata ya Mtyangimbole na kuwa apisha kiapo cha kutunza Siri katika zoezi la uchaguzi.

Mkurugenzi amesema mafunzo hayo yanalenga kutoa maelekezo ya namna ambavyo karani mwongozaji  anavyotakiwa kutekeleza majukumu yake katika kituo cha uchaguzi .

Hata hivyo amesema Makarani hao wamepewa kazi hiyo kwa kuzingatia weledi na uaminifu walionao kwa wananchi watakao jitokeza kupiga kura.

“Sitegemei miongoni mwenu kwenda kinyume na maelekezo yatakayotolewa na wasimamizi wa uchaguzi mzingatie kwamba mmekula kiapo cha kutunza siri na tamko la kujitoa uanachama”.

Mohamed ametoa rai kwa Makarani hao kuwa makini na wasikivu na waelevu katika kuhakikisha wanaelewa maelekezo wanayopewa  na wasimamizi wa uchaguzi.

Kwa upande wake Kamishna wa Tume ya Uchaguzi Zakia Mohamed Abubakari alipoongea na Makarani hao  amesema katika zoezi hilo la uchaguzi wawe waadilifu watakapo kuwa eneo  la Uchaguzi pamoja na kutoa msaada kwa watu wenye mahitaji maalumu.

Kutoka Kitengo cha Mawasiliano Halmashauri ya Madaba

Septemba 15,2023.