MADABA kutoa dawa ya magonjwa yasiyopewa kipaumbele kwa wanafunzi Januari 21 hadi 22

Posted on: January 15th, 2025

Halmashauri ya Wilaya ya Madaba wamefanikiwa katika zoezi la umezeshaji wa dawa katika ngazi ya shule na jamii kwa magonjwa ambayo hayapewi kipaumbele mwaka 2024 watu 55,707 sawa na asilimia 89.

Akitoa taarifa hiyo mratibu wa magonjwa ambayo hayapewi kipaumbele Waziri Ramadhan katika kikao cha mapitio na mpango mkakati wa magonjwa yaliyokuwa hayapewi kipaumbele amesema mpango huo ulifanikiwa kwa watu 55707 walimeza dawa kati ya watu 62,922 walioandikishwamwaka 2024.

Amesema mwaka 2024 halmashauri ya Wilaya ya Madaba ilipokea zaidi ya shilingi Milioni 87 ambazo zilitumika katika zoezi la ugawaji wa dawa  katika ngazi ya shule na Jamii.

Hata hivyo amesema mafanikio ya zoezi la umezeshaji wa dawa ikiwemo kufahamu umuhimu wa kuzingatia kinga tiba zinazotolewa ,tumegawa za usubi katika ngazi ya jamii kwa zaidi ya asilimia 80.

“Tumeweza kupunguza kiasi cha wagonjwa wanaoripoti katika vituo vya kutolea  kwa magonjwa yaliyokuwa hayapewi kipaumbele na tumemezesha dawa ya minyoo ya tumbo  na kichocho ngazi ya shule na  kwa zaidi ya asilimia 99.5”

Ramadhani amesema mwaka 2025 zoezi litafanyika Januari 21 hadi 22 kwa ngazi ya shule na kutarajia kutoa dawa kwa jumla ya wanafunzi 13,574.

Kutoka Kitengo cha Mawasiliano Halmashauri ya Wilaya ya Madaba

Januari 15,2025