KAMATI ya usimamizi ngazi ya jamii yajengewa uelewa Madaba

Posted on: March 9th, 2024

Kamati ya usimamizi ngazi ya Jamii (CMC) na mafundi viongozi (LSPS) Halmashauri ya Wilaya ya Madaba wamepewa mafunzo ya pamoja katika kutekeleza  miradi ya muda mfupi (PWP).

Akifungua Mafunzo hayo  Mkurugenzi mtendaji wa Halmashauri hiyo Sajidu Idrisa Mohamed  amesema wametoa mafunzo kwa kamati hizo ili kuhakikisha miradi ya mda mfupi  hususani miradi ya vivuko 11 katika vijiji 11 mwaka 2023/2024 vinatarajiwa kujengwa.

Hata hivyo Mohamed ametoa rai kwa washiriki wa mafunzo hayo kutoa elimu waliyopata katika mafunzo hayo kwa wengine ili waweze kufuata taratibu zote wakati wa utekelezaji wa miradi hiyo.

“Niwaombe kupeleka elimu mliyoipata iwafikie wajumbe wengine ili mtakapotekeleza miradi hiyo muweze kufuata taratibu na kanuni zote”.

Kutoka Kitengo cha Mawasiliano Halmashauri ya Wilaya ya Madaba

Machi 8,2024.