KAMATI ya Siasa Ruvuma yaridhishwa na mradi wa Sekondari Lilondo Madaba

Posted on: October 7th, 2023

KAMATI ya Siasa Mkoa wa Ruvuma inayoongozwa na Mwenyekiti wa Chama cha Mapinduzi (CCM) Oddo Mwisho imekagua mradi wa ujenzi wa Shule mpya ya Sekondari Lilondo Kata ya Wino Halmashauri ya Madaba

Katika Shule hiyo yanajengwa madarasa 8,jengo la utawala maabara ya Fizikia na Baiolojia kwa zaidi ya shilingi Milioni 560 kupitia mradi wa SEQUIP.

Mwisho amezipongeza kamati za ujenzi kwa usimamizi mzuri wa  ujenzi wa Shule hiyo.

“Mimi nimeona Watendaji mnasimamia vizuri mradi huo na kamati zote hata matofari yanayotumika yapo imara  kwa kasi mliyonayo naamini mtamaliza kwa wakati”.

Mkurugenzi Mtendaji wa Halmshauri hiyo Sajidu Idrisa Mohamed amemshukuru Rais Samia kwa kuleta fedha za ujenzi wa Miradi mbalimbali katika Halmashauri hiyo zaidi ya Bilioni 5.

“Kwa Mwaka wa Fedha 2023/2024  tumeletewa  zaidi ya Bilioni 1 kwaajili ya ujenzi wa  shule hii, ukarabati wa Shule ya Msingi Wino na Ifinga  Mh.Mwenyekiti tunaomba utufikishie Shukrani zetu za dhati kwa   Rais Samia kwa kutulete maendeleo katika Halmashauri ya Madaba”.

Kutoka Kitengo cha Mawasiliano Halmashauri ya Madaba

Septemba 7,2023.