Halmashauri ya Madaba Mkoa wa Ruvuma inaardhi yenye rutuba kwa kilimo cha Palachichi

Posted on: December 1st, 2020

Halmashauri ya Wilaya ya Madaba  Mkoa wa Ruvuma inamaeneo mazuri yenye rutuba kwaajili ya kilimo cha mazao ya Biashara na Chakula ikiwemo zao la Palachichi.

Hayo yamesemwa na Afisa kilimo  Umwagiliaji na ushirika (W) zao la  Palachichi linalolimwa  Halamashauri ya Wilaya  ya Madaba huzalisha Tani 281.8 katika eneo la Hekta 192.5.

Mrimi amesema  zao hilo linalolimwa kata ya Mhanje,Lituta,Mateteleka,Wino na Mkongotema na uzalishaji wake ni mchache hivyo wawekezaji wanakaribishwa kuwekeza katika maeneo ya Halmashauri hiyo ili kuongeza uzalishaji kwa wingi na ardhi ya Madaba ni nzuri kwa kilimo  ya zao hilo.

“Wananchi wanamwitikio mkubwa kulima zao hilo  na wawekezaji waliopo Silverlands Ndolela Ltd ana hekta 95,Kampuni ya Interfruit na inaendelea kulima zao hilo hekta 1200,Shirika la masister  st Getrude kijiji cha Ndelenyuma  wamepanda jumla ya heka 40 na wakulima wadogo  jumla ya heka 59”. Amesema Mrimi.

Hata hivyo Mrimi amesema zao la Palachichi linastawi katika eneo kubwa la Halmashauri ya Wilaya ya Madaba kutokana na hali nzuri ya hewa  na udongo wenye rutuba ya kutosha.

‘’Uzalisha wa Zao la Pala chichi eneo la Halmashauri kwa sasa ni mdogo na tunategemea soko la ndani kwa kiasi kikubwa  na kiasi kidogo huuza nje ya Halmashauri”.

Amesema miongoni mwa juhudi wanazoendelea kukuza uzalishaji wa zao hilo Halmashauri inashirikiana na  Taasisi ya Tanzanice,Proganic Tanzania LTD,Ofisi ya Maendeleo Jimbo Katoliki la Njombe,Interfruit,Slverlands Ndolela ltd,Shirika la Masister  st Getrude Ndelenyuma na wakulima wadogo.

Mrimi amesema zao hilo linakabiliwa kuzalishwa kwa uchache kwa sababu hakuna wawekezaji wengi kutoka sehemu zingine isipokuwa ni wenyeji wa Halmashauri hiyo hivyo husababisha uzalishaji kuwa mdogo.

Imeandaliwa  na Aneth Ndonde

Afisa Habari Halmashauri ya Madaba

Desemba 1,2020.