DED Madaba watumishi msizalishe kero kwa wananchi

Posted on: May 16th, 2024

MKURUGENZI Mtendaji Halmashauri ya  Wilaya ya Madaba Sajidu Idrisa Mohamed amefanya kikao cha kusikiliza kero na viongozi wa kamati ya maendeleo ya Kata ya Lituta.

Akizungumza katika kikao hicho ametoa taarifa ya ujio wa Mwenge wa uhuru ambapo katika halmashauri hiyo utakimbizwa Juni 15,2024 na utazindua miradi mbalimbali ya maendeleo.

Mohamed ametoa rai kwa viongozi wachama na watendaji wa vijiji pamoja na  wanyeviti wa vijiji kuhakikisha wanakuwa na mahusiano mazuri ili waweze kumsemea Mhe. Rais wa Jamhuri ya Muungano wa Tanzania kwa kuleta miradi mingi ya maendeleo katika Kata ya Lituta na halmashauri kwa ujumla.

“Niwaagize watendaji wa vijiji,walimu kuhakikisha hamzalishi kero kwa wananchi badala yake tangazeni mambo makubwa aliyofanya Mh.Rais Samia Suluhu Hassan katika Kata hii”.

Kutoka Kitengo cha Mawasiliano Halmashauri ya Madaba

Mei 16,2024.