DED Madaba atoa wito kwa wananchi kuendelea kutibiwa katika hospitali ya Wilaya

Posted on: November 1st, 2024

MKURUGENZI Mtendaji halmashauri ya Wilaya ya Madaba Sajidu Idrisa Mohamed  amezitaja faida za ujio wa madaktari bingwa katika hospitali ya Wilaya.

Akizungumza akiwa katika hospitali hiyo na kujionea huduma zilizokuwa zinaendelea kutolewa  amesema  ujio wa madaktari bingwa  umepelekea watumishi wa Afya  wamepata uzoefu katika utoaji wa huduma kwa wananchi .

“Nitoe wito kwa wananchi wa Halmashauri ya Wilaya ya Madaba siku tano zimepita madaktari wetu wataendelea kutoa huduma za kibingwa na mpango wetu tutazindua huduma rasmi zitahusisha katika majengo yaliyopo, Rais Samia ametuletea vifaa vya shilingi milioni 730”.

Amesema vifaa hivyo vimefungwa katika majengo ya hospitali ikiwemo katika vifaa vya kinywa na meno na jengo la mama na mtoto na ni wodi ambazo hazichangamani na wagonjwa wengine pamoja na Exray.

“Namshukuru tena Rais wetu wa Jamhuri ya Muungano wa Tanzania Dkt Samia kwa kuendelea kuwajali Watanzania hasa katika huduma za afya ambapo katika awamu hii zimeendelea kuimarika katika halmashauri yetu ya Wilaya,nitoe wito kwa wananchi kuendelea kuitunza miundombinu hii kwa manufaa ya sasa na baadae".

Kutoka Kitengo cha Mawasiliano Halmashauri ya Wilaya ya Madaba

Novemba 1,2024.a