DED Madaba atoa vifaa vya michezo sekondari ya Matetereka

Posted on: August 26th, 2024

MKURUGENZI Mtendaji  Halmashauri ya Wilaya ya Madaba Sajidu Idrisa  Mohamed ametembelea shule ya Sekodari Matetereka na ametoa vifaa vya michezo kwa wanafunzi.

Mohamed amesema lengo la ziara yake ni kuwatia moyo wanafunzi katika kuhakikisha wanasoma na kufaulu masomo yao na ametoa mipira minne na jezi za wasichana 10 na wavulana  11.

Katika ziara hiyo Mkurugenzi ameambatana na wakuu wa Idara wamewatia moyo wanafunzi hao kuendelea kusoma na kuwa viongozi mbalimbali hapo baadae.

“Nitoe rai kwa walimu wa histori na Kiswahili muwafundishe wanafunzi ili tusipoteze lugha yetu na waweze kuwa walimu hapo baadae na viongozi kama sisi msikate tamaa”.

Naye Mkuu wa Shule hiyo Godfrey Njovu amemshukuru Mkurugenzi mtendaji wa halmashauri hiyo kwa kuhakikisha anatimiza ahadi yake ya vifaa vya michezo na kuhakikisha anatembelea shule hiyo mara kwa mara.

“Zipo shule nyingi lakini hapa unafika mara kwa mara awamu ya mwisho ulituachia soda tunakushukuru sana na tunakukaribisha sana Matetereka Sekondari umetuletea jezi ambazo tutaendeleza michezo hapa shuleni”.

Imeandaliwa na Aneth Ndonde

Kutoka Kitengo cha Mawasilino Halmashauri ya Wilaya ya Madaba

Agosti 26,2024.