DED Madaba atoa maagizo kwa watumishi

Posted on: May 17th, 2024

MKURUGENZI Mtendaji wa Halmashauri ya Wilaya ya Madaba Sajidu Idrisa Mohamed amewaagiza watumishi wa Hospitali ya Wilaya kuwepo eneo la kazi na watumishi waliopewa nyumba katika eneo la Hospital kuhamia mara moja.

Hayo amesema alipotembelea hospitali hiyo na kukagua vifaa tiba vilivyoletwa na Mhe. Rais wa Jamhuri ya Muungano wa Tanzania Dkt.Samia Suluhu Hassan na ujenzi wa wodi za wanaume,wanawake,watoto,jengo la wazazi na jengo la dharula.

“Mmeletwa hapa kwaajili ya kutoa huduma kwa wananchi hospitali imeanza kutoa huduma na vifaa tiba vyote vipo nyumba za watumishi zipo  watumishi mliopewa nyumba hamieni haraka iwezekanavyo “.

Hata hivyo amemwagiza mhandisi wa Halmashauri hiyo kuhakikisha anakamilisha marekebisho  yote ambayo yapo katika ujenzi wa hospitali hiyo awe amekamilisha na amemwgiza mganga mkuu wa Halmashauri kuweka kibao kinachoelekeza Hospitali ilipo baada ya wiki moja wawe wamekamilisha.

Pia Mkurugenzi amewaagiza watumishi wote wanaotakiwa kuhamia hospitali ya Wilaya kuhama katika ofisi ya Mkurugenzi haraka iwezekanavyo akiwemo katibu wa Afya ,Afisa ustawi wa jamii,Afisa Lishe wahakikishe wanatolea huduma katika hospitali ya Wilaya.

“Wote wenye ofisi katika hospitali ya Wilaya wahame sitaki kuwaona katika jengo la halmashauri Afisa utumishi waandikie barua ya kuwany’ang’anya vyumba vyao na wahamishe vitu vyao hayo ni maelekezo yangu”.

Kutoka kitengo cha Mawasiliano Halmashauri ya Madaba

Mei 16,2024