DC Songea watendaji wasakeni wanafunzi wasioripoti shuleni popote

Posted on: February 3rd, 2023

MKUU wa Wilaya ya Songea Wilman Ndile amewaagiza watendaji wa vijiji na Kata kuhakikisha wanafunzi wa kidato cha kwanza wanaripoti shuleni.

Hayo amesema alipoongea na watumishi wa Halmashauri ya Madaba katika ukumbi wa Halmashauri ikiwa ni siku ya tatu tangu kuanza kazi mara baada ya kuapishwa.

Amesema watendaji wa vijiji walichukulie hili swala kwa uzito kama kuna mwaka hawajawahi kufikia asilimia ya wanafunzi kujiunga na kidato cha kwanza mwaka huu wahakikishe wanafikia asilimia hizo.

“Nitaweza kuelewa  tu wale ambao wamekwenda seminari, shule nyingine binafsi, amefariki na tunataarifa zao la sivyo watafutwe  popote ”.

Mkuu wa Idara ya Elimu Sekondari Maternus Ndumbaro wa Halmashauri hiyo amesema mpaka kufikia Februari 2 wanafunzi wa kidato cha kwanza walio ripoti shuleni wamefikia asilimia 89.