DC Ndile akagua Nyumba ya Mwalimu Ifinga iliyojengwa kwa zaidi ya shilingi Milioni 114

Posted on: June 3rd, 2023

MKUU wa Wilaya ya Songea Wilman Ndile ametembelea kijiji cha Ifinga Kata ya Matumbi na kukagua Nyumba ya Mwalimu Iliyojengwa kwa Shilingi Milioni 114,450,000 /=

Fedha hizo zimetolewa na Serikali ya awamu ya sita  kwaajili ya ujenzi wa nyumba ya Mwalimu katika Shule ya Sekondari Ifinga  Halmashauri ya Madaba.

Mkuu wa Wilaya ya Songea  ametembelea na kukagua mradi huo uliofikia hatua ya umaliziaji amewapongeza walimu kwa usimamiaji mzuri wa ujenzi huo ambao utasaidia kuwa na makazi bora kwa Walimu wa Shule hiyo.

Hata hivyo Ndile amempongeza na kumshukuru Rais Samia kwa kuleta fedha za ujenzi wa Miradi mbalimbali ikiwemo miradi ya uboresha wa Shule za Sekondari na Msingi.

Kutoka Kitengo cha Mawasiliano Halmashauri ya Wilaya ya Madaba

Juni 3,2023.