WALIMU acheni mikopo kausha damu

Posted on: May 19th, 2024

WALIMU Halmashauri ya Madaba wameaswa kuepuka mikopo  kausha damu badala yake waheshimu mshahara ambao wanaupata mwisho wa mwezi.

Hayo amesema Mhe.Diwani wa Kata ya Matumbi Valentino Mtemauti akimwakilisha Mwenyekiti wa Halmashauri ya Wilaya ya Madaba Teofanes Mlelwa katika kikao cha tathimini ya matokeo ya mitihani ya Kitaifa kwa shule za msingi mwaka 2023 iliyoambatana na sherehe ya kuwapongeza walimu hao kwa kuwapa zawadi mbalimbali na wanafunzi waliofanya vizuri.

“kopa mkopo kwa malengo siyo unakopa bila malengo mwisho wake unawekwa mahabusu mshahara wako unaopata si haba uheshimu”.

Aidha  Mtemauti amewapongeza walimu kwa jitihada walizofanya na kuhakikisha Halmashauri ya Madaba inakuwa yakwanza kimkoa kwa matokeo ya darasa la saba na darasa la nne mwaka 2023.

Mtemauti amempongeza Mbunge wa Jimbo la Madaba,Mwenyekiti wa Halmashauri ,Mkurugenzi mtendaji  kwa kuwa chachu ya kusababisha matokeo mazuri katika Halmashauri ya Madaba.

Kutoka kitengo cha Mawasiliano Halmashauri ya Madaba

Mei 17,2024.