AFISA Mazingira Madaba atoa elimu ya matumizi ya nishati mbadala

Posted on: June 28th, 2024

AFISA Mazingira Halmashauri ya Wilaya ya Madaba Grolia Mrisho ametoa elimu ya matumizi ya Nishati mbadala katika maadhimisho ya siku ya wajane.

Akitoa elimu hiyo amesema katika Halmashauri ya Wilaya ya Madaba nishati inayotumika kwa asilimia kubwa ni kuni na mkaa hali ambayo inasababisha uharibifu wa mazingira.

“Hali ya tabia ya nchi imebadiliaka sana vipindi vya mvua vinakuwa vifupi,halafu mvua zinanyesha kubwa kwa wakati mmoja na kiangazi kwa mdara mrefu na kuathiri mazingira”.

Mrisho amesema moja ya sababu ya kuathirika kwa  mazingira ni matumizi ya nishati ya mkaa na ukataji wa miti hovyo unapelekea  kuchangia ongezeko la uharibifu wa mazingira na kusababisha mafuriko na  mmomonyoko wa ardhi.

“Serikali ikaona kunahaja ya wananchi wake kutumia njia mbadala ya nishati ambayo itapunguza athari za mazingira”.

Amesema nishati ambadala ambayo haikaushi dunia na haichafui mazingira ni jua, mimea iliyokufa,kinyesi cha wanyama,upepo,umeme na gesi.

“kupitia elimu hii naomba tukawaambie na akina mama wengine wazijue nishati mbadala  ambazo haziharibu mazingira yetu”.

Kutoka Kitengo cha Mawasiliano Halmashauri ya Wilaya ya Madaba

Juni 27,2024.