WATAALAM Madaba walivyojifunza Manispaa ya Songea

Posted on: December 2nd, 2022

WATAALAMU wa Halmashauri ya Madaba wametembelea Manispaa ya Songea kwa lengo la kujifunza jinsi ya kuwekeza katika Vikundi vya wanawake,Vijana na wenye Ulemavu vinavyopewa Mikopo ya asilimia 10 zinazotokana na mapato ya Ndani.

Mkurugenzi wa Manispaa ya Songea Dkt Fredrick Sagamiko akizungumza na wataalamu hao amesema ili Madaba iweze kukua  lazima kila mtumishi awe sehemu ya Madaba pamoja na kufanya vitu vikubwa ambavyo havijawahi kufanyika.

Sagamiko amempongeza Mkurugenzi wa Halmashauri ya Madaba Sajidu Idrisa Mohamed pamoja na wataalamu hao kwa kuchukua nafasi ya kutoka  kwenda kujifunza katika vikundi vilivyopewa mikopo ya asilimia kumi ya Mapato ya Ndani na kujenga Viwanda vidogo vidogo eneo la Lilambo.