ELIMU ya Ukatili wa Kijinsia inavyoendelea kutolewa Madaba

Posted on: December 3rd, 2022

MKUU wa Idara ya Maendeleo ya Jamii Halmashauri ya Madaba Anitha Makota pamoja na Afisa Ustawi wa Jamii Shani Kambuga wametoa Elimu ya ukatili wa Kijinsia kwa Wanawake,Wanaume pamoja na watoto Jijiji cha Magingo Kata ya Mkongotema Halmashauri ya Madaba

Kufuatia kampeni ya siku 16  ya kupinga ukatili wa Kijinsia Tanzania Nzima amewaasa wananchi hao kutofumbia macho mambo yakikatili ambayo husababisha madhara ya kifamilia na kudhorotesha Taifa.

Makota ametoa rai kwa wananchi hao kuhakikisha wanapokutana na Changamoto yoyote ya unyanyasaji huo wasifumbie macho bali watoe taarifa katika sehemu husika ikiwemo ofisi ya kijiji,ofisi ya Ustawi wa jamii pamoja na ofisi ya serikali za Mitaa.

‘’Kwasababu mda mwingine kuna mambo yanatokea lakini hatupati taarifa hakikisheni mnatoa taarifa ili kuhakikisha tunachukua hatua”.

Afisa ustawi wa Jamii Shani Kambuga ameelezea maana ya ukatili wa kijinsi  ni kitendo  anachofanyiwa mwanaume,mwanamke au mtoto na kupelekea kuathilika kisaikolojia.

Kambuga amesema ukatili wa kimwili ni kitendo cha mama kupigwa au mwanaume kukatwa kwa ncha kali, au kutukanwa kwa kuitwa majina ya wanyama.

Imeandaliwa na Aneth Ndonde

Kutoka Kitengo cha Mawasiliano Serikalini Ofisi ya Mkurugenzi Halmashauri ya Madaba

Desemba 3,2022.