ZAIDI ya Shilingi Milioni 269 zatolewa na Serikali ujenzi wa Mabweni Madaba

Posted on: September 13th, 2023

SERIKALI imeleta fedha kiasi cha shilingi  Milioni 141 kwaajili ya ujenzi wa Bweni katika Shule ya Sekondari Ifinga.

Hayo amesema Mkuu wa Wilaya ya Songea Wilman Ndile alipokuwa akizungumza na wananchi wa Kata yaLituta na Mahanje wakati wa uzinduzi wa Soko la Kisasa linalojengwa kupitia mradi wa TASAF.

“ Serikali inafikilia kujenga miundo mbinu Mbunge wenu amepambana ndiomana miundombinu inaboreshwa,na tumeletewa fedha Milioni 141 kwaajili ya ujezi wa Bweni Ifinga”.

Ndile amesema ujenzi wa Bweni katika Shule ya Sekondari Ifinga litasaidia wanafunzi kutoka shule mbalimbali za Halmashauri hiyo kwenda kusoma Ifinga na wanafunzi wa Ifinga kubadilisha mazingira kusoma maeneo mengine.

“Shule ya Sekondari Ifinga inajumla ya wanafunzi 73 ikiwa wanafunzi hao wanamaliza shule ya Msingi na kujiunga na Shule ya Sekondari katika kijiji hicho”.

Hata hivyo kwa upande wake Afisa Elimu Maalumu Tedy Sanga amesema Serikali imeleta fedha kiasi cha shilingi Milioni 128 kwaajili ya ujenzi wa Bweni katika Shule ya Msingi Madaba kwaajili ya wanafunzi maalumu.

Sanga amesema  bweni hilo litasaidia  wanafunzi maalumu  kutoka maeneo mbalimbali ya Halmashauri  kuishi na kusoma katika mazingira rafiki.

Kutoka Kitengo cha Mawasiliano Halmashauri ya Madaba

Septemba 13,2023.