ZAIDI ya shilingi Milioni 114 ya jenga Nyumba ya Mwalimu Wino Sekondari

Posted on: May 23rd, 2023

SERIKALI imeleta shilingi Milioni 114 kwaajili ya ujenzi wa nyumba ya Mwalimu katika Shule ya Sekondari Wino Halmashauri ya Madaba.

Mkurugenzi mtendaji wa Halmashauri hiyo Sajidu Idrisa Mohamed  ametembelea na kukagua mradi huo uliofikia hatua ya ukamilishaji amewapongeza walimu kwa usimamiaji mzuri wa ujenzi huo ambao utasaidia kuwa na makazi bora kwa Walimu wa Shule hiyo.

Hata hivyo Mohamed amemshukuru Rais wa Jamhuri ya Muungano wa Tanzania Rais Samia Sulluhu Hassan kwa kuleta fedha kwaajili ya ujenzi wa Nyumba za Walimu ambazo zitaleta Hamasa kwa Walimu.

“Nimshukuru Rais Samia kwa kutuletea fedha kwaajili ya ujenzi wa Nyumba za Walimu na Miradi mingine,pia niwapongeze walimu kwa usimamzi mzuri wa Nyumba hii “.

Kwa upande wake Mwalimu wa Shule ya Sekondari  Wino Hassan Hussen amemshukuru Rais wa Awamu ya Sita kwa kuwapekea hela ya ujenzi wa Nyumba ya Mwalimu.

“Tunamshukuru kupitia ujenzi huu hata akija Mwalimu kutoka Massaki atajiona kama yupo Mjini kupitia ujenzi wa Nyumba hii Nzuri,na ukikaa katika nyumba hii lazima Mwalimu atajituma sana katika ufundishaji”.

Imeandaliwa na Aneth Ndonde

Kutoka kitengo cha Mawasiliano Halmashauri ya Wilaya ya Madaba

Mei 23,2023.