WINO SACCOS wapitisha bajeti ya shilingi Milioni 179 mwaka 2024

Posted on: November 1st, 2023

WINO  SACCOS wamefanya Mkutano mkuu na kupitisha bajeti ya mwaka wa Fedha 2023/2024 ya shilingi Milioni 191 na matumizi ya shilingi Milioni 181 na ziada ya milioni 10 Halmashauri ya Wilaya ya Madaba.

Akizungumza katika mkutano huo Mhasibu wa Wino SACCOS Agustino Wella amesema mwaka 2022 walipitisha  bajeti  ya mapato na matumizi shilingi Milioni 179 na   matumizi ya shilingi  Milioni 170 na mpaka kufikia sasa wametumia shilingi Milioni 124.

Hata hivyo Wella amesema WINO SACCOS imeanzishwa mwaka 1992 na leo umefanyika mkutano mkuu  wa 30 na  wamefanya  uchaguzi wa viongozi watakao ongoza chama kwa mda wa miaka mitatu wakiwemo wajumbe wa bodi,kamati ya usimamizi mjumbe mwakilishi.

Kwa upande wake Afisa ushirika  wa Halmashauri ya Wilaya ya Madaba Sadam fupi mara baada ya kusimamaia zoezi la uchaguzi wa viongozi wa chama hicho amesema viongozi wa Wino SACCOS waliochaguliwa wakasimie chama hicho kwa uadilifu.

“Tunategemea tukikaa kikao cha mwaka 2024 tukute mtaji wa chama umeongezeka mmekuta mtaji wa zaidi ya shilingi bilioni 1”.

Afisa Ushirika ametoa rai kwa viongozi waliochaguliwa kuhakikisha wanakuwa waaminifu ikiwa wanancha wamewachagua kwa kuwaamini na kuhakikisha mwaka 2024 mtaji wa chama unaongezeka,wakopaji wanaongezeka,wadaiwa sugu wamepungua na mstakabali wa chama ukiendelea mbele.

“Endapo mipango itaenda tofauti hatutasita kuwa chukulia hatua ikiwa wanachama wamewaamini na wamewachagu wameona mnafaa kusimamia watendaji wa wino SACCOS”.

Hata hivyoFupi amewapongeza Viongozi hao na kutoa rai  wakatekeleze na kusimamia chama kanuni,sera za chama hicho kwa kuweka hisa,akiba na kulipa mikopo kwa wakati.

Kutoka kitengo cha Mawasilino Halmashauri ya Wilaya ya Madaba

OKtoba 31,2023.