WAZIRI wa Habari kuanza ziara ya kikazi Mkoani Ruvuma siku tatu

Posted on: February 25th, 2021

Waziri wa  Habari,Utamaduni,Sanaa na Michezo Mhe.Innocent Bashungwa anaanza ziara ya kikazi ya siku tatu mkoani Ruvuma kuanzia Februari 26 hadi 28 mwaka huu.Kwa mujibu wa ratiba ya ziara hiyo  Februari 26 mwaka huu Waziri Gashungwa anatarajia kuanza ziara yake katika wilaya ya Tunduru ambapo atatembelea Makumbusho ya Masonya ambalo ni eneo la urithi wa ukombozi la nyumba ya Samaro Michel na Nyerere ambapo siku ya Februari 27 Waziri wa Habari atahudhuria kilele cha kumbukizi ya miaka 114 ya mashujaa wa Vita ya Majimaji ndani ya viwanja vya Makumbusho ya Taifa ya Majimaji mjini Songea.

Kwa mujibu wa ratiba hiyo ,Waziri Bashungwa anatarajia kukamilisha ziara yake mkoani Ruvuma  siku ya Februari 28 mwaka huu kwa kutembelea  wilaya ya Namtumbo kwenye maeneo ya urithi wa ukombozi Likuyu Sekamaganga na nyumba ya Nyerere .

Imeandikwa na Albano Midelo