WATUMISHI Madaba wajitokeza kupata kinga tiba ya Usubi

Posted on: August 22nd, 2023

WATUMISHI Halmashauri ya Wilaya ya Madaba  wemejitokeza kupata kinga tiba ya  Usubi  wakiongozwa na kaimu Mkurugenzi wa Halmashauri hiyo Maternus Ndumbaro ambae ni Mkuu wa Idara ya Elimu Sekondari.

Zoezi hilo limefanyika Katikan ukumbi wa Halmashauri na wemepewa Elimu ya ugonjwa huo unaoathiri ngozi na macho na kusababishwa na minyoo iitwayo (Onchocerca  Volvulus).

Mratibu wa Magonjwa yasiyopewa kipaumbele  Halmashauri ya Madaba Dokta Betty Mbawala amesema Minyoo hiyo huenezwa na inzi weusi wadogo wanaozaliana kandokando ya mito yenye maji yanayoenda kwa kasi.

Mratibu wa Magonjwa hayo  amezitaja dalili za ugonjwa huo ikiwemo maambukizi ya vimelea vya usubi vinavyosababisha na  kuwasha kwa ngozi,ukurutu usiotibika,kuwa mithili ya ngozi ya kenge au Mamba,kuwa na vinundu sehemu ya mifupa pamoja na kuwa na ngozi yenye mabaka mithili ya mtu aliyeungua na moto au kama ngozi ya chui.

Hata hivyo Mratibu amewakumbusha wananchi mara wanapoona dalili hizo wawahi kituo cha kutolea huduma  za Afya kwa uchunguzi  na matibabu zaidi.

Mbawala ameyasema madhara yanayoweza kutokana na ugonjwa wa Usubi  ikiwa pamoja na ngozi kuharibika, kutoana vizuri na kupelekea upofu wa macho, kushindwa kufanya kazi kupelekea umaskini na utegemezi katika Familia.

“Ugonjwa wa Usubi unazuilika kwa kumeza kinga tiba kwa kila mtu kuanzia umri wa miaka mitano kila zinapotolewa kwenye jamii”.

Imeandaliwa na Aneth Ndonde

Kutoka kitengo cha Mawasiliano Halmashauri ya Wilaya ya Madaba

Agosti 22,2023.