SERIKALI yatoa milioni 800 ujenzi wa jengo la upasuaji la wanaume na wanawake Hospitali Madaba

Posted on: November 16th, 2023

SERIKALI imetoa shilingi Milioni 800 kwaajili ya ujenzi wa jengo la upasuaji la wanaume na wanawake(General Theater) katika Hospital ya Halmashauri ya Wilaya ya Madaba.

Wataalam kutoka Ofisi ya Mkuu wa Mkoa wa Ruvuma wakiongozwa na Katibu Tawala Msaidizi upande wa Miundombinu Gilbert Simya wamekagua ujenzi huo wametoa  pongezi kwa Viongozi wa Halmashauri kwa usimamizi.

 Simya amewapongeza viongozi wa Halmashauri hiyo kwa utekeleza wa mradi huo na kujenga majengo hayo kwa mpangilio mzuri.

“Niwapongeze na niwasisitize kukamilisha ujenzi huo kwa wakati”.

Mganga Mkuu wa Halmashauri hiyo Mussa Rashid amesema mpaka kufikia sasa fedha iliyotumika ni zaidi ya shilingi Milioni 400 na mradi huo umefikia hatua ya kupandisha kuta jengo la wanaume pamoja na Jengo la wanawake hatua  ya kufunga Boksi na kupandisha kuta.

Kutoka Kitengo cha Mawasiliano Halmashauri ya Madaba

Novemba 16,2023.