WASIMAMIZI Wakuu na Wasaidizi wa Uchaguzi Madaba waanza mafunzo yao ya siku 2

Posted on: September 16th, 2023

MSIMAMIZI wa Uchaguzi Jimbo la Madaba Sajidu Idrisa Mohamed amefungua mafunzo  ya siku mbili kwa  Wasimamizi wakuu na wasaidizi  ya uchaguzi Mdogo wa Udiwani Kata ya Mtyangimbole.

Akizungumza na wasimamizi hao amesema jumla ya Wasimamizi 62 wakiwemo 20 Wasimamaizi wakuu na wasaidizi 40  2wawili ni wa akiba wanaofanyiwa mafunzo ya uchaguzi mdogo wa Udiwani Kata ya Mtyangimbole .

Amesema Mafunzo hayo ya siku Mbili kwa wasimamizi wa Uchaguzi yanalenga kutoa maelekezo namna Wasimamizi wakuu na wasaidizi wanavyotakiwa kutekeleza majukumu yao kwa mujibu wa sheria,taratibu na kanuni za uchaguzi sura namba 343.

“Mmeteuliwa kufanya hii kazi kwa kuzingatia weledi na uaminifu hivyo sitegemei miongoni mwenu kwenda kinyume na maelekezo mtakayopewa”.

Msimamizi wa uchaguzi Jimbo la Madaba amesema kuwa wasimamizi hao wamekula kiapo cha kutunza siri na kujitoa uanachama  wa chama cha siasa na kuzingatia taratibu na kanuni ,taratibu za uchaguzi.

“Narajia kwa mda wote wa mafunzo mtakuwa makini wasikivu katika kuhakikisha mnaelewa maelekezo mnayopewa na wasimamizi wasaidizi wa Jimbo ili mkatekeleze vema majukumu yenu”.

Kutoka Kitengo cha Mawasiliano Halmashauri ya Madaba

Septemba 16,2023.