wananchi wa kitongoji cha Kifaguro Madaba wapewa elimu Lishe

Posted on: June 30th, 2024

WANANCHI wa  kitongoji cha kifaguro, kata ya Lituta Halmashauri ya Wilaya ya Madaba wamefanya maadhimisho  ya afya na Lishe.

Maadhimisho hayo yamefanyika katika hospitali ya Halmashauri ya Wilaya ya Madaba,Afisa Lishe wa Halmashauri hiyo Jovenary Ntelagi ametoa elimu mbalimbali ikiwemo  makundi sita ya vyakula na lishe bora kwa wazazi wa watoto wenye umri wa chini ya miaka mitano.

Ntelagi  amefundisha uandaaji na uboreshaji wa chakula cha watoto chini ya miaka mitano pamoja na upimaji wa  uzito kwa watoto.

Aidha katika maadhimisho hayo wametoa matone ya vitamini A na dawa za minyoo kwa watoto wenye umri chini ya miaka mitano.

Kutoka Kitengo cha mawasiliano Halmashauri ya Wilaya ya Madaba

Juni 29,2024.