Wananchi Mahanje Madaba waipongeza Serikali kwa kupatiwa huduma za Afya

Posted on: May 24th, 2024

MKURUGENZI Mtendaji  Halmashauri ya Wilaya ya Madaba Sajidu Idrisa Mohamed ametembelea miradi   iliyotekelezwa katika Halmashauri hiyo kwa mwaka wa fedha 2023/2024.

Kati ya Miradi hiyo ameanza rasmi ziara ya kukagua mradi wa Zahanati ya Mahanje na kujua namna ambavyo huduma inayotolewa kwa wananchi.

Mwenyekiti wa Kitongoji cha matweve  Kijiji cha Mahanje bwana Machael amempongeza Rais wa Jamhuri ya Muungano wa Tanzania Dkt Samia Suluhu Hassan kwa ujenzi wa Zahanati hiyo kabla ya ujenzi wa zahanati wananchi walikuwa wanatibiwa Zahanati ya Misheni kwa gharama kubwa.

“Wananchi wa Mahanje tunaipongeza Serikali ya awamu ya sita inayoongozwa na Rais Samia Suluhu Hassan kwa ujenzi wa zahanati na kuanza kutoa huduma zote na watoto chini ya miaka mitano na wazee wananatibiwa bure kwa kweli tunashukuru sana”.

Aidha moja ya  wazee   waliotibiwa  katika zahanati hiyo wamesema kupitia uwepo wa zahanati hiyo umepelekea kupata huduma kwa ukaribu na bure tofauti na mwanzo ililazimika kutibiwa kwa ghalama kubwa.

Kutoka kitengo cha Mawasiliano Halmashauri ya  Wilaya ya Madaba